Instituti i Diasporës Euro-Atlantike Shqiptare (IDE.AL) është një organizatë umbrellë e shoqatave, bizneseve, grupeve jo formale, bashkësive fetare-shqiptare, etj., që ka për qëllim të lobojë dhe përfaqësojë interesat e komunitetit shqiptar në vendet euro-atlantike. Instituti ka një mision të qartë për të promovuar lidhjet kulturore, shoqërore dhe ekonomike mes shqiptarëve të diasporës dhe vendlindjes së tyre në Ballkanin Perëndimor.
Organizata Ideal për të zbatuar sa më mirë misionin dhe vizionin e saj, ajo veprimtarinë e saj e mbështetë në këto vlera.
Bashkëpunimi përfaqëson angazhimin për të punuar së bashku me organizata të ndryshme, autoritete vendore dhe ndërkombëtare, si dhe me komunitetin për të ndikuar në ndryshime pozitive dhe për të promovuar të drejtat dhe vlerat shqiptare.
Në veprimtarinë e IDEAL, gjithëpërfshirja është një vlerë e rëndësishme që tregon për përfshirjen e të gjithë individëve, pa dallime të prejardhjes, gjuhës, kulturës apo besimit. Çdo shqiptar, pa marrë parasysh se ku ndodhet, ka vlerë dhe kontribut të rëndësishëm për të dhënë.
Vullnetarizmi tregon përkushtimin e individëve për të ndihmuar dhe kontribuar për mirëqenien e komunitetit dhe për të ndërtuar një shoqëri më të mirë. Në veprimtarinë e IDEAL, vullnetarizmi përfaqëson një burim energjie dhe dedikimi për të realizuar qëllimet e organizatës.
IDEAL e përkrah dhe e respekton diversitetin, duke e parë atë si një pasuri e cila kontribuon në pasurinë dhe forcën e komunitetit tonë. Duke e promovuar diversitetin, organizata synon të krijojë një mjedis të hapur dhe të sigurtë për të gjithë.
Një qëndrim i ndërgjegjshëm dhe aktiv për mbrojtjen dhe promovimin e të drejtave të njeriut është thelbësor në veprimtarinë e IDEAL. Organizata angazhohet për të garantuar që të gjithë individët të gëzojnë të drejta të barabarta dhe respektuar si qenie njerëzore.
IDEAL promovon kulturën demokratike në veprimtarinë e saj. Kjo do të thotë të inkurajojë pjesëmarrjen aktive të të gjithë anëtarëve, të mbështesë debatet e hapura dhe të respektojë proceset demokratike në vendimmarrje.
Bordi drejtues është i përbërë nga shtatë persona të cilet e përfaqësojnë organizatën:
